9–16 сьнежня 2012 года ў Коўне адбудзецца першы літоўска-
польскі семінар (ЛПС), прызначаны для студэнтаў-магістрантаў і
дактарантаў з Польшчы і Літвы.
Арганізатарам семінара з’яўляецца Калегіюм Усходняй Еўропы імя Яна
Новака-Езяранскага ва Уроцлаве, арганізацыйнымі партнёрамі выступаюць
Цэнтр Ч. Мілаша пры Універсітэце Вітаўта Вялікага ў Коўне і Інстытут
Вялікага княства Літоўскага.
Семінар прызначаны для студэнтаў гуманітарных праграм – магістрантаў і
дактарантаў ва ўзросце да 35 гадоў, чые навуковыя інтарэсы датычацца
польска-літоўскіх стасункаў і рэгіёну Цэнтральнай і Усходняй Еўропы.
Праграма семінара будзе складацца з лекцый, семінараў і дыскусій з
удзелам міжнароднай групы экспертаў, сярод якіх вядомыя даследчыкі,
аналітыкі і журналісты. Значная частка семінара, прысвечанага
сацыяльным, гістарычным і палітычных пытанням, будзе суправаджацца
культурнай праграмай.
Мэтай ЛПС з’яўляецца правядзенне дыскусій па пытаннях стасункаў паміж
Польшчай і Літвой, гісторыі і сучаснасці Цэнтральнай і Усходняй Еўропы.
Польска-літоўскі семінар фінансуецца за кошт Міністэрства замежных
спраў Польшчы і Польска-Амерыканскага Фонда Свабоды.
Дадатковую інфармацыю глядзіце на старонцы www.lpseminar.org .
Выстава з нагоды Дня Незалежнасці Польшчы (11 лістапада)
У будынку Факультэта палітычных навук і дыпламатыі Універсітэта Вітаўта
Вялікага, у калідорах першага, другога і пятага паверхаў размешчана
выстава, арганізаваная з нагоды дня нараджэння Станіслава Нарутовіча
(1862–1932). Выставу можна паглядзець да канца 2012 года.
Нарутовічы, прадстаўнікі шляхецтва, якія жылі на мяжы ХІХ і ХХ стагоддзяў
у Жамойці, як і прадстаўнікі іншых літоўскіх сем’яў, павінны былі зрабіць
выбар паміж Польшай і Літвой. Станіслаў Нарутовіч быў адным з
падпісантаў Акта Незалежнасці Літвы 16 лютага 1918 года, яго брат
Габрыэль (1865–1922) быў абраны першым прэзідэнтам міжваеннай
Польшчы. Іхнія жыццёвыя шляхі выдатна ілюструюць складаныя
культурныя і палітычныя адносіны Польшчы і Літвы ў ХХ стагоддзі, а
таксама складанасць выбару Літвінаў напачатку ХХ стагоддзя.
У выставе, якая складаецца з дзесяці панэляў розных фарматаў,
прадстаўлены копіі дакументаў і фатаграфій, сямейных дрэваў і гербаў
Нарутовічаў. Прадстаўлены матэрыял не толькі распавядае пра вядомую
постаць літоўскага палітычнага жыцця, але і пра дэталі паўсядзённага
жыцця Жамойці напачатку ХХ стагоддзя і ў міжваенны перыяд.
Аўтарам выставы з’яўляецца Архіў тэльшайскай акругі (дырэктар – Алма
Янкаўскене), экспанаты для выставы былі адабраныя гісторыкам
Вацлавасам Вайчэкаўскасам. Партнёры – Інстытут Вялікага княства
Літоўскага і Цэнтр Чэслава Мілаша, Факультэт палітычных навук і
дыпламатыі Універсітэта Вітаўта Вялікага.
Міжнародны Кангрэс даследчыкаў Беларусі
Запрашаем да ўдзелу ў другім Міжнародным Кангрэсе даследчыкаў
Беларусі, які адбудзецца 28-30 верасня 2012 года ў Коўна. Заяўкі на ўдзел
прымаюцца да 15 чэрвеня 2012 года. Больш інфармацыі глядзіце на сайце
www.icbs.lt. Кангрэс арганізуе кансорцыум літоўскіх і беларускіх
арганізацый, на чале якога стаяць Універсітэт Вітаўта Вялікага і Інстытут
палітычных даследаванняў “Палітычная сфера”. Адным з арганізатараў
Кангрэса з’яўляецца Інстытут ВКЛ.
Мерапрыемствы, прысвечаныя Габрыэлю і Станіславу Нарутовічам
7-8 верасня 2012 года ў Тэльшах адбудуцца імпрэза, прысвечаныя
Габрыэлю і Станіславу Нарутовічам. Хоць абодва паходзілі з Тэльшаў,
Габрыэль быў першым міжваенным прэзідэнтам Польшчы, а Станіслаў –
адным з падпісантаў Акта незалежнасці Літвы. Іх лёсы яскрава ілюструюць
складанасць польска-літоўскіх культурных і палітычных стасункаў у ХХ ст.
Папярэдняя праграма:
7 верасня:
11.00-17.00 – міжнародная навуковая канферэнцыя “Апошнія грамадзяне
ВКЛ: дарогі Станіслава і Габрыэля Нарутовічаў”. Канферэнцыя прысвечана
150-м угодкам нараджэння Станіслава Нарутовіча – падпісанта Акта
незалежнасці Літвы і 90-м угодкам забойства Габрыэля Нарутовіча –
прэзідэнта Польшы. Месца: Жэмайційскі драматычны тэатр
(Рэспубліканская вул., 18 (Respublikos g. 18)
Падчас канферэнцыі свае выступы прадставяць вядомыя літоўскія і
польскія інтэлектуалы: Дарыюш Шпопер – прафесар Гданьскага
Універсітэта, Рімантас Мікніс – дырэктар Інстытута Гісторыі Літвы, Анджэй
Пукшта – дацэнт Універсітэта Вітаўта Вялікага, Артур Кіяс – прафесар
Познанского Універсітэта і Павілас Швярябас – супрацоўнік тэльшайскага
аддзела Віленскай акадэміі выяўленчага мастацтва.
Прэзентацыя кнігі “Станіслаў Нарутовіч: Сыгнатар і яго час”, аўтар праф.
Стасіс Вайтэкунас.
18.00-22.00 вячэрняя сустрэча ў Брэвіках – маёнтку Станіслава Нарутовіча.
8 верасня:
10.00 – Святая Імша
Пасля абеду прагулка па Тэльшах і ваколіцах.
Арганізатары: Інстытут ВКЛ і урад у Тэльшаў.
Беларуска-літоўскія маладзёжная школа
Лагер у Дзукіі – “Аддай айчыне тое, што павінен!”
1-5 ліпеня 2012 года ў Дзукіі на агратурыстычнай ферме адбыўся літоўска-
беларускі лагер, арганізатарамі якога выступілі, у прыватнасці, Універсітэт
Вітаўта Вялікага (УВВ), Інстытут ВКЛ і “Цэнт Усходняй палітыкі”. Лагер
адбыўся пад дэвізам літоўскіх партызан “Аддай айчыне тое, што павнінен!”.
Яго мэтай была спроба прааналізаваць, ці з’яўляецца дадзены дэвіз
важным на сённяшні дзень. Удзельнікі лагера наведалі музей супраціву,
бункеры партызан, прынялі ўдзел у дыскусіях і лекцыях пра літоўскі
супраціў супраць акупантаў і беларускую штодзённасць, акрамя гэтага быў
арганізаваны веласіпедны тур.
У лагеры прынялі ўдзел студэнты з Літвы і Беларусі. Літва была
прадстаўлена чатырма студэнтамі гісторыі з УВВ і пяццю курсантамі з
Ваеннай Акадэміі Літвы, з беларускага боку: чатырма прадстаўнікамі ад
Беларускай хрысціянскай дэмакратыі, трыма студэнтамі клайпедскага
ўніверсітэта LCC і чатырма студэнтамі з Гродзенскага ўніверсітэта імя Янкі
Купалы.
Напрыканцы лагера, дзякуючы намаганням УВВ і Інстытута ВКЛ, для
дзяўчат з Гродзенскага ўніверсітэта была арганізавана аднадзённая
паездка ў Коўна, дзе яны прыпыніліся ў студэнцкім інтэрнаце, а мясцовыя
студэнты пазнаёмілі іх з горадам.
Летняя школа па сацыялогіі
Пяць студэнтаў з Універсітэта Вітаўта Вялікага (УВВ), дзякуючы
супрацоўніцтву Інстытута ВКЛ, УВВ і Гродзенскага ўніверсітэта імя Янкі
Купалы, прынялі ўдзел у Летняй школе па сацыялогіі ў Гродна, якая была
арганізавана 9-17 ліпеня 2012 года пры факультэце сацыялогіі
Гродзенскага ўніверсітэта імя Янкі Купалы. Падчас правядзення школы
студэнты прынялі ўдзел у лекцыях і дыскусіях па сістэме вышэйшай
адукацыі ў Беларусі, таксама мела месца дыскусія, прысвечаная
акадэмічным свабодам і ўніверсітэцкай аўтаноміі. Падчас свайго
знаходжання ў Беларусі студэнты УВВ шмат падарожнічалі, наведаўшы
Ліду, Мінск, Аўгустоўскі канал і найцікавейшыя музеі Гродна.
Дыскусія “Хто здрадзіў ідэі Ежы Гедройца? Яшчэ разпра стан польска-літоўска- беларускіх стасункаў”
15-18 ліпеня 2012 года ў Варшаўскім універсітэце адбудзецца Міжнародная
канферэнцыя, прысвечаная Усходняй Еўропе “Старое і новае. Мінулае, сучаснасць, будучыня камуністычнага свету”. У рамках канферэнцыі 15 ліпеня Інстытут ВКЛ арганізуе дыскусію “Хто здрадзіў ідэі Ежы Гедройца?
Яшчэ раз пра стан польска-літоўска-беларускіх стасункаў”. У дыскусіі
прымуць удзел Е. Маліцкі, праф. Д. Шпопер, праф. Э. Александравічус,
праф. А. Калакаўскас, Е. Е. Камар, Р. Мікніс. Больш падрабязную
інфармацыю глядзіце тут: www.studium.uw.edu.pl.