Міжнародная PhD праграма для Беларусі заснавана і ажыццяўляецца
кансорцыумам беларускіх недзяржаўных інстытуцый. Гэта адна з
альтэрнатыў дзяржаўнай аспірантуры, якая дапамагае грамадзянам
Беларусі абараніць доктарскую дысертацыю без палітычнага ціску і не
пакідаючы на доўгі час краіну (больш падрабязна: http://phd.palityka.org).
У ліпені 2013 года Інстытут ВКЛ і Цэнтр Чэслава Мілаша Універсітэта Вітаўта
Вялікага прымалі ўдзел ў арганізацыі выязной сэсіі Праграмы ў межах
летняй школы Варшаўскага ўніверсітэта. Гэта ўжо другая сэсія такога
кшталту, першая адбылася ў ковенскім Універсітэце Вітаўта Вялікага ў
лютым 2013 года.
Падзеі, звязаныя з Iнстытутам
Call for papers: канферэнцыя “Аднаўленне гісторыі: палітыка памяці ў Цэнтральна-Ўсходняй Еўропе”
У рамках канферэнцыі, якая пройдзе 3-4 траўня 2013 г. ў Мінску,
плануецца прааналізаваць асноўныя стратэгіі рэалізацыі гістарычнай
палітыкі ў краінах Цэнтральна-Ўсходняй Еўропы, выявіць спецыфічныя і
агульныя рысы працы з мінулым, разгледзець узаемасувязь палітыкі
памяці з шырэйшым кантэкстам палітычных і культурных трансфармацый
посткамуністычных краін.
Задача канферэнцыі – стварыць пляцоўку для ўзаемадзеяння акадэмічных і
экспертных супольнасцей рэгіёна для глыбейшага разумення і
даследавання праблем палітыкі памяці ва Ўсходняй Еўропе.
Для аналізу і разгляду на дадзенай канферэнцыі будуць вылучаныя
наступныя тры ключавыя тэмы, якія уяўляюцца нам найбольш значнымі
для асэнсавання агульнай культурна-гістарычнай спадчыны рэгіёна:
1. Агульнае мінулае ці аўтаномныя нацыянальныя гісторыі? Памяць пра
ВКЛ і Рэч Паспалітую ў дзяржавах Цэнтральна-Ўсходняй Еўропы.
2. Кастусь Каліноўскі і паўстанне 1863 г.: канфлікт інтэрпрэтацый праз 150
гадоў.
3. Камуністычнае мінулае: паміж пераадоленнем і рэстаўрацыяй у
посткамуністычных краінах.
Асноўныя арганізатары:
Інстытут “Палітычная сфера” (Беларусь)
Інстытут ВКЛ (Літва)
Instytut Polski (Мінск, Беларусь)
Універсітэт Вітаўта Вялікага (Літва)
Працоўныя мовы канферэнцыі – беларуская, руская, англійская, польская.
Прыблізны лік удзельнікаў – 40 чалавек.
Тэхнічныя дэталі
Для ўдзелу ў Міжнароднай канферэнцыі неабходна даслаць:
1) CV на любой працоўнай мове
2) тэзісы выступу памерам у 2-3 тыс. друкаваных знакаў на любой
працоўнай мове
3) таксама ў лісце неабходна паведаміць, ці патрабуецца візавая
падтрымка.
Заяўку неабходна даслаць на адрас info @ palityka.org да 3 сакавіка 2013
года.
Арганізатары хадайнічаюць пра атрыманне бясплатнай беларускай візы.
У асобных выпадках можа быць разгледжана пытанне пра кампенсацыю
выдаткаў на пражыванне і праезд.
Прэмія Ю. Бардаха
Інстытут Вялікага Княства Літоўскага заснаваў Прэмію імя Юліюша
Бардаха, якая будзе прызначана найлепшым магістэрскім і доктарскім
працам, звязаным з праблематыкай дзяржаўнай, прававой і культурнай
спадчыны Вялікага Княства Літоўскага ў XIX–XX стст., а таксама аналізам
праблем, звязаных з гісторыяй краін былых земляў Вялікага Княства
Літоўскага – Беларусі, Літвы, Польшчы, Украіны. Апошні тэрмін падачы
прац – 30 верасня 2013 г.
Міжнародны Кангрэс Даследчыкаў Беларусі
Другі Міжнародны Кангрэс даследчыкаў Беларусі, які адбыўся 28-30
верасня 2012 года, стаў значанай акадэмічнай падзеяй. Удзел у працы
Кангрэса прынялі каля 350 навукоўцаў і гасцей, якія прадстаўлялі
практычна ўсе буйныя гарады і акадэмічныя цэнтры Беларусі, а таксама
больш за 15 краін свету.
Улічваючы пазітыўны досвед 2011 і 2012 года Арганізацыйны камітэт
Міжнароднага кангрэса даследчыкаў Беларусі абвяшчае пра падрыхтоўку ў
2013 годзе чарговага Кангрэса паводле наступнага графіку:
Даты правядзення Кангрэса – 11-13 кастрычніка 2013 года.
Ласкава просім акадэмічныя супольнасці і іх лідараў у Беларусі і за мяжой
фармуляваць свае прапановы, а таксама падаваць заяўкі на арганізацыю
секцый і панэляў.
Будзем удзячныя за распаўсюд гэта інфармацыі, а таксама любыя
каментары і прапановы.
Belarusian Political Science Review
The idea of the Journal was formulated by Belarusian community of political
scientists and analysts in 2010. It is conceived as an independent academic
initiative.
BPSReview was founded by the Consortium of Belarusian (Political Sphere),
Lithuanian (Vytautas Magnus University and Instiute of the Gand Duchy of
Lithuania), Ukrainian and Latvian organizations, bringing together the
experience of a broad academic community and institutions devoted to
promoting and advancing research in political science and political analysis.
The Journal is being published in English.
Belarusian Political Science Review is a peer-reviewed political science
periodical that serves as an interdisciplinary publication for research papers
from various subfields of political science. The publication aims to meet the
needs of a broader academic community in scientific enquiry on Belarusian
politics and politics of Eastern and Central Europe.
The Journal publishes research materials on all key topics and related to all
approaches of political science without any methodological restrictions except
for reasonable scholar criteria. The regional focus of the Journal is Belarus,
Lithuania, Poland, Ukraine, Latvia and Estonia.
General editorial policy: The contents of the Review are to be compiled of the
best articles published by Belarusian political and social scientists initially in
Belarusian or Russian through a year. The articles shall be initially proposed by
members of the Academic Board or any well-known scholars or analysts. The
rest of the contents are to be chosen through procedure of a general open Call
for Papers.
More information on the web-site of the Journal: http://bpsreview.palityka.org.
Літоўска-Польскі семінар
9–16 сьнежня 2012 года ў Коўне адбудзецца першы літоўска-
польскі семінар (ЛПС), прызначаны для студэнтаў-магістрантаў і
дактарантаў з Польшчы і Літвы.
Арганізатарам семінара з’яўляецца Калегіюм Усходняй Еўропы імя Яна
Новака-Езяранскага ва Уроцлаве, арганізацыйнымі партнёрамі выступаюць
Цэнтр Ч. Мілаша пры Універсітэце Вітаўта Вялікага ў Коўне і Інстытут
Вялікага княства Літоўскага.
Семінар прызначаны для студэнтаў гуманітарных праграм – магістрантаў і
дактарантаў ва ўзросце да 35 гадоў, чые навуковыя інтарэсы датычацца
польска-літоўскіх стасункаў і рэгіёну Цэнтральнай і Усходняй Еўропы.
Праграма семінара будзе складацца з лекцый, семінараў і дыскусій з
удзелам міжнароднай групы экспертаў, сярод якіх вядомыя даследчыкі,
аналітыкі і журналісты. Значная частка семінара, прысвечанага
сацыяльным, гістарычным і палітычных пытанням, будзе суправаджацца
культурнай праграмай.
Мэтай ЛПС з’яўляецца правядзенне дыскусій па пытаннях стасункаў паміж
Польшчай і Літвой, гісторыі і сучаснасці Цэнтральнай і Усходняй Еўропы.
Польска-літоўскі семінар фінансуецца за кошт Міністэрства замежных
спраў Польшчы і Польска-Амерыканскага Фонда Свабоды.
Дадатковую інфармацыю глядзіце на старонцы www.lpseminar.org .