Публiчныя лекцыі i дыскусіi

9–16 сьнежня 2012 года ў Коўне адбудзецца першы літоўска-
польскі семінар (ЛПС), прызначаны для студэнтаў-магістрантаў і
дактарантаў з Польшчы і Літвы.
Арганізатарам семінара з’яўляецца Калегіюм Усходняй Еўропы імя Яна
Новака-Езяранскага ва Уроцлаве, арганізацыйнымі партнёрамі выступаюць
Цэнтр Ч. Мілаша пры Універсітэце Вітаўта Вялікага ў Коўне і Інстытут
Вялікага княства Літоўскага.
Семінар прызначаны для студэнтаў гуманітарных праграм – магістрантаў і
дактарантаў ва ўзросце да 35 гадоў, чые навуковыя інтарэсы датычацца
польска-літоўскіх стасункаў і рэгіёну Цэнтральнай і Усходняй Еўропы.
Праграма семінара будзе складацца з лекцый, семінараў і дыскусій з
удзелам міжнароднай групы экспертаў, сярод якіх вядомыя даследчыкі,
аналітыкі і журналісты. Значная частка семінара, прысвечанага
сацыяльным, гістарычным і палітычных пытанням, будзе суправаджацца
культурнай праграмай.
Мэтай ЛПС з’яўляецца правядзенне дыскусій па пытаннях стасункаў паміж
Польшчай і Літвой, гісторыі і сучаснасці Цэнтральнай і Усходняй Еўропы.
Польска-літоўскі семінар фінансуецца за кошт Міністэрства замежных
спраў Польшчы і Польска-Амерыканскага Фонда Свабоды.
Дадатковую інфармацыю глядзіце на старонцы www.lpseminar.org .

9-10 мая 2011 года Інстытут ВКЛ арганізуе імпрэзы, прысвечаныя гісторыі і
надзённай сітуацыі ва Ўкраіне.
9 мая (панядзелак) у 17.00 ва аўдыторыі 514 (ul. Donelaičio 52) адбудзецца
прэзентацыя новай кнігі Вольгі Кавалеўскай (Інстытут гісторыі Акадэміі
Навук Украіны, Кіеў), прысвечанай адной з найважнейшых постацей
украінскай гісторыі Івану Мазэпу.
10 мая (аўторак) у 11.30, аўдыторыя 202 (ul. Gedimino 44). Адбудзецца
публічная дыскусія на тэму “Незалежная Ўкраіна”, у якой прымуць удзел
навукоўцы з Украіны, Польшчы, Беларусі і Літвы: Вольга Кавалеўская
(Кіеў), Эдуард Мазько (Гродна) Томаш Блашчак (Торунь), Яцэк Ян Комар
(Польшча-Літва), Анжэй пукшта (ВДУ), Шарунас Ліекіс (ВДУ) і Русціс
Камунтавічус (ВДУ).

25 лістапада 2010 года ў 16.oo Інстытут ВКЛ супольна з факультэтам
палітычных навук і дыпламатыі ВДУ (Універсітэт Вітаўта Вялікага)
арганізоўвае публічную дыскусію “Што далей з польска-літоўскім
стратэгічным партнёрствам?”. Дыскусія адбудзецца на факультэтам
палітычных навук і дыпламатыі ВДУ (вул. Gedymino 44). Удзел у ёй
возьмуць навукоўцы з Беларусі, Літвы і Польшчы: праф. Дарыюш Шпопер
(Гданьскі Ўніверсітэт), Ян Маліцкі (Варшаўскі Ўніверсітэт), праф. Эгідзіюс
Александравічус (ВДУ), праф. Антанас Кулакаўскас, др. Анджэй Пукшта
(ВДУ), Кшыштаф Чыжэўскі (Фонд Памежжа, Сейны), др. Андрэй Казакэвіч
(Інстытут палітычных даследаванняў “Палітычная сфера”, Мінск), др.
Рымантас Мікніс (Інстытут гісторыі Літвы), Яцэк Ян Комар (ПКН Орлен,
журналіст). Запрашаем.

30 чэрвеня i 1 ліпеня 2010 г. Інстытут ВКЛ разам са Студыюм Усходняй
Еўропы Варшаўскага універсітэту арганізуюць дзве дыскусіі, прысвечаныя
Цэнтральнай і Усходняй Еўропе. Дыскусіі адбудуцца ў Галоўным будынку
Варшаўскага універсітэта (Pałac Kazimierzowski, ul. Krakowskie
Predzmieście).
Першая дыскусія (30 чэрвеня, пачатак а 16-ай гадзіне) пад назвай 20 гадоў
польска-літоўска-беларускіх стасункаў (1990 – 2010). Ці рэалізуем
тэстамент “Культуры” і Ежы Гедройця? Удзельнікі: праф. A. Кулакаўскас
(Універсітэт M. Ромэра, Вільня); Я. Maліцкі (Студыюм Усходняй Еўропы,
Варшаўскі універсітэт); A. Пукшто (Універсітэт Вітаўта Вялікага, Коўна); Р.
Камунтавічус (Універсітэт Вітаўта Вялікага, Коўна); Я. Комар (ПКН Орлен
Літва).
Другая дыскусія (1-га ліпеня, пачатак а 10-ай гадзіне) пад назвай Ад
Люблінскай уніі да Уніі Еўрапейскай: што чатыры народы ўнеслі і могуць
унесці да супольнай Еўропы? Удзельнікі: праф. A. Кулакаўскас (Універсітэт
M. Ромэра, Вільня); Я. Maліцкі (Студыюм Усходняй Еўропы, Варшаўскі
універсітэт); праф. Э. Александравічус (Універсітэт Вітаўта Вялікага,
Коўна); Р. Камунтавічус (Універсітэт Вітаўта Вялікага, Коўна); Г. Лесмайціс
(Інстытут гісторыі Літвы, Вільня); A. Пукшто (Універсітэт Вітаўта Вялікага,
Коўна).

24 сакавіка а 13 гадзіне (аўдыторыя 203, Gedimino g. 44, Коўна) запрашаем
на навуковую дыскусію “Чаму Беларусь не святкуе дзень незалежнасці?”. У
дыскусіі прымуць удзел выкладчыкі Універсітэта Вітаўта Вялікага праф.
доктар габілітаваны Гінтаўтас Мажэйкіс і дацэнт доктар Русціс
Камунтавічус, дацэнт Гродзенскага універсітэта імя Янкі Купалы Эдуард
Мазько, прафесары Еўрапейскага гуманітарнага універсітэта.
Мадэратар – дацэнт доктар Анджэй Пукшто.
Арганізатары: Універсітэт Вітаўта Вялікага: факультэт паліталогіі і кафедра
гісторыі, Інстытут ВКЛ і Еўрапейскі гуманітарны універсітэт.